Rulhreng thuanthu hi hnam tin in kan nei ciar a bang.Dragon , Naka ti vek in .Bible Thuphuan bung 12 sungih kan hmuh dan ah cun khuahlan Rulpi lu pasarih nei le ki pahra nei, a cah dan cu van ih arsi hmun thum thenih hmun khat a mei in a vaw thla tehi , ti kan hmu.Mi fen that thei khawp in a ka sungin tidai a suakter thiam fawn .....Kan lai thuanthu ah Rulhreng cu tihnungza rulpi sam nei , suangtuar nei hngiarhngiar , mei saupi nei,thla nei, a ka in meipi suak ter thei , a hum duh mi ( a kil mi ) cu zo hmanin a lawn sak theih lo , mi sak theitu(satu) , a mi duh mi cu len le thatnak pe hluahhlo men , zan ih a zuang an hmuh le pher zual tia meisa vampi tle pempem a ci hman kuttum tiatia fawr tla zutzo in an rel....
A um nak hmun an rak zum danah cun van ih um a si .Tek tla hi Rulhreng thinheng hrang le kiau, turcia,a cil pet rawng thlengin leilungih thing le lung tiang rawn siahsuah thluh thei, ti'n an zum.Rulhreng cu van kil hlumih a mei phau sualso men,zohman ih ziang ti theih lo , a duh dan dan ih nung le tal hngualhngo men ti a si..
Khawri hi van patar pa'n a sum a hrilh awn a si.Ruahsur hi vancung fala in an tidai khai mi an bung ter mi a si ti'n pipu pawlin nauhak an um mi pawl an ruah theu.
Dragon, Naka, Rulhreng , ti thuanthu nei pawlih ruahdan kan thlir ah cun hihi a si ti ih amah ngai hmuh ding um lo, tulai tongdan tak ah a rau ram ih um le khawsa a bang..
An hla thupawl kan thlirin ,khawri le Rulhreng tur , tek tla hman vawn ngai lo ih nuam tak ih um an duh thu le , ulhreng rawng turaw hlah in siatsuah thluh ding ti ih an lemnak , nang le kei co aw kung khawhra van hnuai kan hmin thang seh khawrulhreng ih tur vekin , ti lam hla a tam...
An hla thenkhat pawl......
1) kan cung khawrulhreng e rawng tur hlah law,
Tial dawh kan lennak sumtual cim ai.
2) khawri rung au mi thang Tial Dim i lennak
Ang lo vawn tiam au law van dum khawrulhreng
3) Van dum khawrulhreng cu tur cang a nei ngai
Hreng bawi ka thawlnakah sum tual i kain au
4) Lailung rawn i ka lenpi Tin Tial khai vawn co ningna.,
A cun ka lung si tur van kil hlum rulhreng mei phau ngai lo len
5) Khawri le rulhreng kan cungin tur urmar
Duh lo thawi tlingrua cungin ngai har ai in
6)Khawri le rulhreng hman a vawn ngai lo len,
A run ah lim bang a kual e zei hngal lawn.
7)Co-aw si law Bawi Sun Tai le van kawm bang le,
Tluang tlir aw si khawrulhreng ih tur cang nei bang
Categories:
Thuanthu Ro Ling
thuanthu ngan na thiam tuk ual..
Siar a nuam nasa..
Ngan vivo aw maw..